2 tarik, pynkhuid Iewduh

Shillong,26 Nailur:
Ha ka 2tarik u bnai ban wan, ka hima Mylliem bad u Deputy Commissioner , East Khasi Hills kin pynlong iaka jingpynkhuid Iewduh kaba kham kyrpang kaba la tip kum ka Gandhi Jayanti As a part of Chief Minister Youth run for Green Movement naduh ka por 8 baje mynstep haduh ka por 10 baje mynstep . Ka dorbar ka Hima Mylliem ka la pyntippaidbah ba koin ia wan ha ka por 8 baje mynstep ha Motphran ha kaba u DC bad u Syiem ka hima Mylliem kin ai jingkren.
Ka hima Mylliem ka la pyntip sha baroh ki nongwanrah mar khaii Iewduh ba kin ym wanrah mar khaii ha kitei ki por bad kumjuh ruh ia kito ki nongpynieng kali ha baroh shilynter ka surok naduh Stand Taxi IewMawlong shaduh Motphran ba kin ym pynieng kali ha baroh shi lynter ka surok ha katei ka tarik bad kitei ki por.
U Syiem ka Hima Mylliem u la pyntip ba baroh ki paidbah nongshong iew ki dei ban ia shim bynta bad ban ia mih ryntih ha katei ka sngi bad por ba la kdew haneng da kaba wan rah ruh la ki tiar pynkhuid bad kiwei ki jingdonkam.