2 tarik jingialang ki nongkhaii dewiong ha Jaintia

Shillong, 29 Rymphang:
Ka Jaintia Coal Miners and Dealers Association kan pynlong ia ka jingialang paidbah, ha ka 2 tarik u lber, 2016 ha madan ialehkai phutbol U ma Teilang Phawa, ha Dkhiah West, East Jaintia Hills District.Katei ka seng ka khot ia kane ka jingialang paidbah, ban pynsngew ia ki mat ba kongsan ha ka jingiadei bad ka jingiaid lynti hapoh ka Iing Bishar ka National Green Tribunal New Delhi ia ka kam tih dewiong hapoh ka jylla Meghalaya naduh ba sdang khang ia kane ka kam khaii pateng.
Ka la buh jing kyrpad hakhmat u paidbah ba ha kane ka sngi ban long ka jingialang ban khang shwa shipor ia ka jingthep (iadie iathied) ia u dewiong tad haduh ban wai ka jingialang paidbah. Ka khot ia baroh ki nongtrei dewiong naduh u nongthep,nongdie kwai dong,nong die dukan ja bad sha naduh ki nong niah kali haduh u nongdie bad nongthied dewiong ban iabeh sha kane ka Durbar bah jong u dew iong hapoh Jaintia Hills, la khot la wer ruh kumjuh na kiwei kiwei ki District ban iadon lang hakane ka jingialang paidbah bala khot sngewbha da ka JCMDA.