Ka jingdie kyiad ha Rajasthan, ha ki ar sngi ba ladep, ka la poi sha ka T.196klur.
La iohi ba ki don bun bah kiba ieng lain ha ki dukan bapher, na ka bynta ban leit thied kyiad bad la iathuh ba ki don haduh 85 percent, kiba thied da ka kyiad phareng, katba kiba dih kyiad lieh, ki duna bha, namar ba kim don shuh ki nongbylla.
Ka sorkar Rajasthan, ka kwah ban plie noh ia ka jingdie ia ka kyiad phareng, namar ka ai khajna haduh T.10,000 ia ka sorkar bad ka pynmih pisa T.1,200 klur ha ka shibnai ha katei ka Jylla.
Ha kawei pat ka liang, U Gulab Chand Kataria, u nongialam liang pyrshah, ula ai jingmut ia U Ashok Gehlot, myntri rangbah ka Jylla, ba un ailad ban leit on ia ka kyiad ha tyngkong iing jong ki nongdih bad la iathuh ba katei ka jingai jingmut jong U Gulab, ka ioh ruh ia ka jing kyrshan jong kiba bun ki kynthei ha katei ka Jylla, namar ba ki kham sngew shngain ban dih kyiad ha iing, ban ia kaba leit thied hi na ki dukan.
Phi don ban ong eiei?