2 sngi ka jingpakhang shnong, palat 1000 ngut kiba la shah test 

Shillong: U Director ka tnad ka koit ka khiah, u Dr Aman War u la iathuh ba lyngba ka jingpynjari ia ka jing pakhang Shnong ha nongbah Shillong, ki briew ka tnad ka koit ka khiah, mynta 2 sngi ki ladep ban test ia palat 1000 ngut ki briew ki ba sah ha ki jaka ba la pynhap ha ki containment area.

    U Dr War u la iathuh ba ka jingwad bad test ia ki briew kiba iakynduh bad ki briew ba long positive ka dang iaid sha khmat, hynrei ki briew kiba bun eh ki ba donkam ban test ki dei  iakynduh ia kiba long Covid positive na Mawbah bad na uwei u batrei ha jaka sumar ia ki jingri u ba la test covid positive.

    Na ka liang u Dr War u la ong ba ka rai ban pynjlan ia ka jingpakhang Shnong kan long hadien ka jingiamir jingmut halor ka jinglong jingman hadien ba la dep ban wad lut ia ki briew kiba iakynduh ia ki briew ba long covid positive.