Shillong: Ka Hill Farmer’s Union (HFU) Seng kmie kan pynlong iaka jingialang paidbah ha Iing Dorbar Shnong Umsning, Lumroman, ha ka 02tarik Naiwieng 2018 ha ka por 11:00 mynstep. Kane kan long ruh kum ka jingia kynduh jong baroh ki nongrep katei kathain bad ki nongialam ka Seng ban iatai halor ki jingeh ba ki nongrep jong ngi ki ju kynduh na ka por sha ka por.
Hadien ba ka Seng ka la ioh ia ka khubor ba ka don ka jingot kilo be ain ia ki mar jong ki nongrep haba ki leit die ia u sying ha ki iew bapher bapher ha ka thain Ri Bhoi. Kumta ka Seng da ka jingkyrpad jong ki nongrep katei ka thain ka la rai ban lum ban lang ia ki nongrep katei ka thain ban pynshai ia ka hok iadie ia thied bad sam ruh Ia ki kot lyngkdop ba la pynmih da u controller of Metrology ka ophis, ka thew ka woh jong ka Sorkar jylla.
Ha ka tei ka sngi ki nongialam ka seng kin leit ruh ban pynskhem ia ki nongkitkam jong ka HFU Pahamkroh Unit ha ka por 6:00 pm, kane ka long kawei na ki mat ba ha khmat duh jong ka seng ban pynrung dkhot ia ki nongrep ha ka shatri jong ka HFU haduh 1lakh ngut.
Kumta ka Seng da ka mynsiem kaba sngewkhia shi katdei eh kaba don ruh ka thong ban trei na ka bynta ka bha ka miat bad ka khia ka shon jong u nongrep ha ka jylla, ka kyrpad ia ki paid Nongrep ban ai ka jingkyrshan bad jingsnohkti lang bad ka seng ha kitei ki jingialang Paidbah ha kitei ki ar jaka.