Ki don ar tylli ki kompeni na China, kiba tyrwa ban shalan ia ki tiar kiba test corona sha England, na ka bynta 2 million tylli kitei ki tiar kiba la tip ki home test kits bad kitei kin shongdor $20 million, ha kaba la buh kyndon ba ki lah ban shim ha katei ka dor, lane ki lah ban iehnoh lada kim mon.
La iathuh ba ka dor ka long kaba rem dor shibun bad ia ka pisa ruh, dei ban siew shwa ban poi ka mar bad ia ki tiar, dei ban leit shim hi, na ka jaka shna kaba na China.
Hynrei ka sorkar England, ka la shim ia kitei ki tiar, da ka jing sngew thikna, namar ba ki dei kiba suk bad kiba lah ban test hi ha man la ki iing briew, kaba long kum ka jingtest ia ki kynthei kiba ar met. Hynrei kaba sngewsih, ka long ba kitei ki tiar kim trei kam satia.
Ka jaka test ia kitei ki tiar ha Oxford University, ka lap ba kitei ki tiar kim larkam satia bad ki don mynta haduh shiteng million tylli, kiba la shu bam pum pum hapoh kudam.
Ym tang katta, la iathuh shuh shuh ba ki don sa 1.5 million tylli kiba la thied ha kajuh hi ka dur, ha kaba la thied na kawei pat ka kompeni bad kitei ruh kim shym trei kam satia bad katei ka la buh jingeh shibun ia ka sorkar England, kaba dang thaw lad ban ioh pat ia katei ka pisa, kaba la dep siew sha kitei ki kompeni.
Phi don ban ong eiei?