2 miet, khot pakhang surok ki Seng Jaintia

Shillong, 2 Nohprah:
Ki seng bhalang bapher bapher jong ka Ri lum Jaintia kiba kynthup ia ka JSM-CB, RJYF-CB, MPUF-CGB, HNYF-EJZ, AJYWO-EJZ, JYF-EJH, KSU-KC, JSU-MEC, HANM-JHU ki la pynbna ba kin khot da ka pakhang surok miet kaba ar miet lynter kata ha ka miet 5 bad 6 tarik mynta u bnai.
Katei ka jingkhot pakhang surok miet ki sengbhalang ka dei halor ka jingbym lah ka sorkar ban pynbna paidbah ia ka kaiphod jingtohkit halor ka jingjia kaba la jia ha ka 24 tarik u nailur ha kaba ar ngut ki la shah siat iap ha ki pulit ha Mookhep.
Ki sengbhalang ki la kdew ruh ba kiwei pat kid aw ka dei ka jingbym lah ka sorkar ban ai ia ka bai lutksan sha ki bahaing ha sem kiba la shah siat iap, ka jingby lah ban pynkynriah kam ia u ADM ka East Jaintia Hills District U bah C.S. Laloo, U EAC ka East Jaintia Hills District U bah H.K. Thabah, Ka ADC ka East Jaintia Hills District ka Kong R.S. Manner bad u S.P ka East Jaintia Hills District U MK Dkhar na ka daw ba kim bit bad bym lah bam tehlakam ia ka jingshong shongshngain hapoh ka District East Jaintia Hills. Ki sengbhalang ki la byrngem ban pynjur shuh shuh ia ki jingiakhih lada ka sorkar kam patiaw ia ki jingdawa.