2 ki MLA UDP ban duh EM; ym pat leit rah ka ARPA sha u Lat

Shillong,10 lber:
Ka HSPDP bad ka UDP ka don mar saw ngut ka bhah na ka bynta ban ioh ia ka shuki Executive Member, ka KHNAM ka ioh bhah 3 ngut, ha kaba ka HSPDP ka hap ban pynshong ia 3 ngut ki MDC jong ka, ka UDP 2 ngut bad ka KHNAM marwei. Ka HSPDP ka la pynbna ia ki 4 ngut ki MDC jong ka kiba ka la phah na ka bynta ka shuki EM kita ki long ka kong Grace Mary Kharpuri, u bah PK Pangniang, bah LG Nongsiej, kynthup ia u bah Ardent Basaiaw moit u CEM, ka KHNAM la ioh jingtip ba kan phah ia u bah Process T Saw kmie, u bah Latiplang Kharkongor bad u bah Adelbert Nongrum, katba na ka liang ka UDP kam pat shym la pynbna ia ki kyrteng jong ki saw ngut ki kyrtong jong ka, hynrei katkum ki tyllong khubor kiba la ioh na ki briew kiba ia jan bha bad ka Party la ong ba ka UDP ka la phah ia u bah Teinwell Dkhar, u bah Donkupar Sumer, ka kong Rona Khymdeit bad u bah Hadrian Lyngdoh, bad ka la pynshong noh ia ar ngut ki MDC jong ka kiba long ruh ki MLA kata u bah Metbah Lyngdoh bad u bah Brolding Nongsiej.
Ha ka jingshisha ka ARPA ka la pynbna ba kan leit rah mynta ka sngi ia ki kyrteng jong ki EM kiba kitei ki lai seng ki la phah sha u CEM, hynrei mynta ka sngi kim shym la lah ban pyndep ia katei ka kam, ka ARPA ka lah ban leit sha ing u Lat lashai ka sngi hat majai.
Lah ban pynkynmaw ba napdeng baroh ki MDC jong kitei ki lai seng kiba don hapoh ka ARPA tang saw ngut na ki ki bym shym la ioh ia ka bhah bynta kam ki kynthup ia uwei u MDC ka HSPDP lait noh ka kong Teilinia Chair person bad u bah Pyniaid Deputy chairman, uwei u MDC ka KHNAM bad ar ngut ki MDC ka UDP.