2 ki iew ba pyniaid ka KHADC; ki Hima hap siew 10:100, ong u EM

Shillong: U Executive Member, ba peit ia ka iew ka hat ka KHADC u bah Jambor War ula ong ba katkum ka Market Regulation Act ka Council, ki Hima, Ki Elaka, Lyngdoh ne ki Raid kiba don iew, ki hap ban siew 10 na ka 100 ka jingmih jong ka Hima sha ka Council.

Haba iakren bad ki lad pathai khubor, u bah Jambor ula ong ba haduh mynta ki don tang ar tylli ki iew ba peit ka Council, kata ka Iew ha Laitlyngkot bad kawei ka dei ka iew ha Byrnihat, Ri Bhoi.
Ula ong ba dang shen ha ka jingleit sha Delhi, la phah sha ka sorkar pdeng ka Tribal Affairs lyngba u myntri u Arjun Mundal ban shna bad ban pynbha ia ki iew kiba hap hapoh ka Council.
Ula iathuh ba la pan T. 74 klur na ka tnad Tribal Affairs na ka bynta ban pynbha ia ki iew kiba don ha ki district, sub-division bad kumjuh ha ki block level, kiba hap hapoh u pud u sam ka Council.