2 haduh 4 Nohprah, pakhang ophis ha MeECL Mairang

Shillong, 26 Naiwieng:
Ka JAC kaba kynthup ia ka KSU Mairang Circle HANM North west khasi hills Synjuk Seng Samla Hima Nongkhlaw hadien ba kala pynlong ia ka pro kram iakhih da kaba shong kylain mongor (Sit In Demonstration) kaba shi sngi ha phyllaw jong ka ophis trei kam ka MeECL ha Mairang ryngkat ki pla kat kiba la thoh ia ki kyntien jing dawa ” we Demand a stay order for AEE Mairang Sub Division” wat ym pynkylla ka iew ia die ia thied ia ka MeECL Mairang.” kala long kaba iaid beit iaid ryntih khlem kano kano ka jing klumar, kaba la long ha ka 26tarik Naiwieng 2013 naduh ka por 10baje mynstep haduh 4baje janmiet.
Hadien, ba ka JAC kala pyndep ia kane ka jingshong kyllain mongor ka la shong kyrkieh ia ka jing ialang bad ha kane ka jing iakynduh lang ki la shim ia ka rai ban pynlong syndon da ka pakhang ophis, tang ia ka ophis MeECL Mairang Sub – Division kaba lai sngi kynthih kata ka ban sdang naduh ka 2tarik Nohprah haduh ka 4tarik Nohprah na ka liang jong ka JAC ka la rai ruh ban pyllait tang ia ki line man jong ka Ophis MeECL ki ba dei ban peit ia ka jingpynmeh ding, jong ka dong bad ka thain, khnang ba kan ym ktah ia ka jing ding. Kane ka pakhang ophis, ka ktah beit tang ia ki nongtrei hapoh ka ophis jong ka MeECL Mairang. Khadduh ka jAC ka kyrpad ruh ia u Chief Secretary ka jylla Meghalaya ba dei ruh u Chairman Jong ka MeECL ba un tuklar lang noh ia kaba iadei bad kane ka kam khnang ba kan ym ktah ia ka jing bha jingmiat u paidbah kane ka thian