2 bnai T.3.50 lak, kamai ki pulit na ki nongdih kyiad

Shillong, 15 Nohprah:
Tang ha ki ar bnai kata u risaw bad u naiwieng ki pulit ki la io kem 126 ngut ki briew kiba dih kyiad ha ki jaka paidbah bad kiba ia hylla ia kyrkait ha ki jaka paidbah.
Ia kitei baroh la leit rah sha ka kashari bad la ioh lum haduh T.3.50 lak tyngka ka kuna na ki. Kiba bun na kitei kiba shah kem ki dei kiba la kem da ki pulit ka Sadar PS. Ki pulit ki la maham ba ha kane ka aiom kmen kristmas bad snem thym mai kin peit ngor bha ia kiba kumkitei ki jingjia. Ha kawei pat ka jingjia ha ka 13 tarik ha u nohprah ki pulit ki la kem 3 ngut ki briew kiba pynmih huri hura ha Barapathar,kitei ki 3 ngut ki dei u Tilak Chettri (35 snem), Shri Bishnu Kumar Dorjee (27 snem) bad u Raj Biswa (30 snem), la kem ia ki da ki pulit ka Jhalupara O.P . ia u Shri Tilak Chettri la rai pynrem da ka kashari jong ka kong R.M. Kharsyntiew bad la pynshitom ia u da kaba shong phatok shibnai kynthih.