2 bnai kynthih, shongdum ka Mawkynjoin

Nongstoiñ: Ka Hynniewtrep Youths’ Council Mawkynjoin Unit myn hynnin ka sngi, ka la leit ban ia kynduh ia u Executive Engineer ka tnad MeECL ban dawa bujli noh da u wei u tranformer u bala sniew hapoh ka shnong Mawkynjoin West Khasi Hills, namar ba ki paidbah nongshong shnong kila hap ban shong dum mynta la ar bnai.
Katkum ka kyrwoh bala phah da u Samla Eklen Nongsiej President HYC Mawkynjoin Unit u la ong ruh ba na ka liang jong u Engineer katei ka tnad u la ong ba ia mynta hi ka tnad ka dang ap ia ki katto katne ki ïing ba kin wan siew dep noh ia ki bai bording khnang ba yn lah ban wan rah ne bujli noh da u wei pat u Tranformer.
Shuh shuh la ong ruh ba na ka liang jong u Engineer u la kular ban shimkhia bad ban pynkloi noh ia katei ka kam bad u la ong ruhba lada kito ki iing kiba dang sah bai bording lada kim siew dep noh ka tnad kan ym shah shuh ban ring bording namar na ka liang jong ka ophis hi kan sa leh noh ia kam kata ka long ban bujli da u wei u tranformer.