New Delhi: Ka India, ka don sa 2.22 lak ngut kiba ioh pang covid 19 ha ki 24 kynta ba ladep. Baroh kiba ioh pang, ki la poi mynta sha ka 2.67 klur ngut.
Ha ki 24 kynta ba ladep, ki don 4,454 ngut kiba iap bad baroh kiba iap, ki la poi mynta sha ka 3,03,720 na ka khlam covid.
Ka jing trei tyngeh kane ka kylla kaba ar, ha ka Ri, ka la pynlong ia ka India, ba kan duh ia bun bah ki jingim briew bad ka dei ka Ri, kaba lai ha ka pyrthei, ha ka jingbun kiba iap, lait noh ka Brazil bad ka United States. Tang mynta u bnai Jymmang, ki don 90 hajar ngut kiba iap bad sa 80lak ngut kiba ioh pang ha ka Ri baroh kawei.
Ha ki 24 kynta ba ladep, ka Tamil Nadu, ka don 35,483 ngut, ka Maharashtra, da 26,672 ngut, ka Karnataka da 25,979 infections, ka Kerala da 25,820 ngut bad ka Andhra Pradesh da 18,767 bad ka bud sa ka Uttar Pradesh, kaba dei ka jylla, kaba don bun bah kiba pang haduh mynta.
Phi don ban ong eiei?