19tarik, yn pynrung Aadhar ha West Khasi Hills

Nongstoiñ, 14 Jylliew:
U Deputy Commissioner jong ka West Khasi Hills District, Nongstoin, u Arun Kumar Kembhavi IAS, u la pyntip sha ki paidbah nongshong shnong jong ka thain Nongstoiñ ba ka jingshon dur na ka bynta u Aadhaar kan sa sdang noh ha man la ki shnong ka ban long ha ki Common Service Centre (CSC) ia kaba yn sdang noh naduh ka 19 tarik mynta u bnai.
Ki Operator ki long U bah Boney Jones Kharbani Shallang Ph.no. 9402118693, Baphyrnai. Marbaniang Seijlieh Ph.no. 8014236523, Roseanjeline M Kharsyntiew Mairang Ph.no. 8575625050, James Marbaniang Bynther Ph.no. 9615342039, Phusterwell Khardewsaw New Nongstoin Ph.no. 9856760256, Bankitkupar Kharbani Pyndengrei Ph.no. 8575039264, Khrawkupar Rongrin Mawthengkut Ph.no. 8575860615, Fastinity Wanniang Riangdo Ph.no. 9615627592 bad Etilda Rongrin Umdang Ph.no. 9615294847.
Kumta na ka liang jong u DC u la kyrpad ia ki paidbah ba kin leit sha kitei ki jaka ha ka 19 tarik mynta u bnai, khnang ban ioh pynrung kyrteng na ka bynta u Aadhaar Card, bad ki nongwan applai ki dei ban pynshisha ia ka jaka shong jong ki da ka jingsoi kyrteng u Sordar ha ka phom ryngkat bad ka seal, ki paidbah nong applai kidei ruh ban bsuh lang ia ka dur EPIC, Pan Card bad kiwei kiwei de (POI), ka Address (POA) bad ia ka sngi kha (DOB), ia kiwei kiwei pat ki kot donkam lah ruh ban ioh jingtip da kaba peit na sha lyndet jong ka phom Aadhaar. Shuh shuh ha kaba iadei pat bad ki Rainbow Centre yn pynrung kham bun ha ki sngi ki ban sa bud ia kiba yn sa nang pyntip.