19 tarik, ka Seng Khihlang ha Laitarted

Shillong, 12 Iaiong:
Ka lympung bah jong ka Seng Khihlang kan long naduh ka 17 tarik haduh ka 19 tarik Iaiong ha shnong Laitarted, kaba hap ha Hima Nong khlaw.   
Ia kane ka Lym pung bah jong ki Khasi bad Jaiñtia kiba dang don ha ka niam tynrai, la pdiang da ka Seng Khasi Diengiei Nongthliew Pyllun.
Ha ka kyrwoh ba la pynlait, u Asst Genl secretary ka Seng Khihlang u la ong ba ha kane ka lympung kaba arphew phra ia u mawsahnam, yn wanrah na ka Seiñ Raij Bataw, ka East Jaintia Hills.
Kine ki mawsah kin iaid lyngba ki shnong ba kham kongsan naduh Bataw, Tuber, Phra Mer, Jowai, Mukhla, Umthlong, Mawryngkneng, Lad Smit, Shillong, Marbisu, Sohiong haduh Laitarted.
Ha kane ka lympung la buh ia ka phang pdeng,  Ieng rangbah u Briew, Ap jutang u Blei”. Nalor ka jingkren na ki nongkren ba la buh, kan don ka jingiapyni shad, ka jingpyni ia ka rukom jong ki dong bad ki shnong bapher bapher katkum ka jinglong tynrai ha kane ka sngi.
Ka lynti iaid sha kane ka lympung kan long na Shillong, Mawngap, Sohiong, Mawmaram, Laitarted. Kawei pat ka lynti ka dei na Ladumsaw, (bhoi), Krang sha Laitarted.
Na ka bynta kane ka lympung, ka Seng Khihlang ka khot ka wer ia ki paidbah kiba angnud ban pynneh pynsah ia ka mynsiem niam tynrai ban ia wan ban sakhi lang khnang ba kan long kaba phuh ba phieng.