19 Iaiong, yn iakhih biang ki nonghikai kontrak

Shillong:Ki nonghikai contract ki la pynpaw ba kim treh, ban shim bynta ha ka Examin jong ka Meghalaya Teacher Eligibility Test ka ban sa pynlong biang da ka sorkar jylla, lada ka sorkar kam pyrkhat kyrpang ia ki.

Haba ia kren bad U Rupang, u  President jong ka Megha laya Government Lower Primary School Teachers Association (officiating on contract basis) u bah bah Birbor Riangtem, u la iathuh ba na ka liang ki nonghikai contract, kin ym treh shuh ban ialeh ia ka exam MTET, lada ka sorkar kam kular ban ai da ka jing iarap ba kyrpang na ka bynta jongki.

     U Bah Riangtem, u la pynpaw ruh ba ka jingbym lah jong kine ki nonghikai ban pass ia ka MTET exam ha u snem 2018, ka dei na ka daw ba ki dei ki nonghikai kiba don ha ka kam bad kim ioh ban pynkhreh ia kane ka exam bad na ka daw ba ki bunkam ban pynkhreh ia ka examin, ki khynnah ha ki skul jong ki.

     Ka sorkar ka khlem shim khia ban pynlong ia kane ka exam, naduh u snem 2006 bad ki dang pynlong haduh u snem 2018 ha kaba ia kane ka MTET exam, la dei ban pynlong shisien ha ka 3 snem bad mynta ka snem jong ki, ka la nang iaid bad lada don da ka eksamin ba kyrpang, te kan bha,u la bynrap. Ula ong ruh ba ki nonghikai ki la sdang biang ka jingiakhih shong kyllain myngngor ha madam Malki ban pynkynmaw ia ka sorkar halor ka kular jong ka, ha ka ba iadei ban khot ia kren ia ki, hynrei ha ka 1tarik Iaiong 2021, ki la pynsangeh biang ia ka jingiakhih jong ki namar ka  jing ia burom ia ka sorkar bad ka bor pyniaid election GHADC  ha Garo Hill.

      Ki nonghikai ki la pynpaw ba lada ka sorkar kam pat treh ban khot ia ki, hadien ka election ha GHADC, khlem pep kin sa sdang biang ia ka jingiakhih jong ki ha ka 19 tarik u iaiong 2021.