18 sngi, khlem jubab ka sorkar ia kiba shah thngan Gram Sevak

Shillong, 29 Naitung:  
Ka sorkar jylla ka dang sngap man man wat haduh 18 sngi ba kiba pas ia ka eksamin Gram Sevak na DSC ki la pynlong ia ka jingshah thngan.
Ki kmei ki kpa jong kiba shah thngan ki la pynpaw ia ka jingsngew bitar ia kane ka jingleh adlukhi ka sorkar ban khlem ai jubab eiei wat haduh 18 sngi ba ki khun jongki ki la pynlong ia ka jingshah thngan ban dawa pynjlan ia ka por thung kam.
“Ngi sngewsih kthang namar ba ngi la pynnang pynstad ia ki khun jong ngi da ka jingkyrmen ban ioh kam kaba donkam burom hynrei mynta ngi sngew ba ka sorkar ka la kharip ki khmat ia ki jingdawa jongki” la ong iwei I kpa jong kiba shah thngan ha kane ka sngi Balang.
U la ong ba kane ka pyni ba ka sorkar ka pyn shlur ban thung kam na kyrpong iing namar ba ki briew kiba pas da ka hok kam shym la shah shkor