18 ngut kiba ioh pang corona thymmai ha East Khasi hills

Shillong: Kiba ioh pang covid mynta ka sngi, ki don 19 ngut bad kitei ki kynthup ia 18ngut ki riew paidbah na East Khasi Hills.

Kiba jem na ka jingpang, ki long 54 ngut bad kitei ki kynthup ia 40 ngut na East Khasi Hills, ha kaba ki riew paidbah, ki don 37 ngut. Ha Ribhoi District ki don 11ngut, West Khasi hills 2 bad West Garo Hills iwei.

Kiba dang don ha ka jingpang, ki long 149 ngut bad na East Khasi Hills ki don 113 ngut, West Khasi Hills 3 ngut, Ribhoi 13ngut, West Jaintia Hills iwei, West Garo Hills 14 ngut, South West Garo hills 3 ngut, East Garo hills bad North Garo hills mar iwei.

Baroh kiba la jem na ka jingpang, ki long 13,139 ngut bad kiba iap, ki long 139 ngut.