Shillong: U Bah AL Hek u ba dei u Myntri jong ka koit ka khiah ka Sorkar Jylla u la ong ba u Amit Shah u ba dei u Myntri ki kam pohiing ka Ri un wan iuhkjat sha Nongbah Shillong ha ka 17 u bnai Naitung 2021 ha kaba na ka liang jong ka Sorkar Jylla bad ka tnad ka koit ka khiah ki la pynkhreh ia kawei ka projek ia kaba yn kyrpad lyngba ka sorkar bad ka seng ba yn plie da utei u Myntri na ka bynta ban plie ia ka Liquid Medical Oxygen Tank kaba don ha Umsawli kaba ka capacity jong ka, ka dei 13 kilolitar kaba dei ruh ka refilling tank.
Ha kajuh ka por un plie ruh ia ka Step Down Covid Hospital kaba don 50 tylli ki jingthiah ha kaba la dep ban plie teng ruh da u Bah AL Hek, hynrei mynta pat la pynkha sa 55 tylli ki jingthiah bad kaba la pynkhreh ruh na ka bynta ka jingwan lynshop biang jong ka khlam Covid-19 ha ka sien kaba lai bad kaban don ruh ia ka Children Ward ne ka jaka sumar na ka bynta ki khynnah, ka Children ICU, ka Adult ICU bad ka Adult Beds bad baroh kin don haduh 100 tylli ki jingthiah.
Phi don ban ong eiei?