17tarik, pakhang shnong ki trai dewiong, 12 kynta ha ka Jylla

Jowai, 14 Jymmang:
Ki trai trok lem bad ki nongialam jong ka Jaintia Coal Miners and Dealers Association (JCMDA), ki la rai mynta ka sngi ban pynlong ia jingkhang shnong (strike) ba 12 kynta ha ka 17tarik mynta u bnai ha baroh kawei ka Jylla.
U Ma Balius Swer President jong ka JCMDA, haba iakren bad u nongthoh khubor, ula iathuh, ba katei ka dei ka rai jong ka jingialang, kaba long myn ta ka sngi ha Shillong Club bad ha Khliehriat, ha kaba la iakren, halor katei ka rai jong ka National Green Tribunal(NGT), kaba long pyrshah ia ki trai par dewiong bad ia baroh kiba im ja sngi, na katei ka kam tih dewiong.
Namar ba ka jing

shong bishar jong ka NGT, kan long ha ka 19tarik mynta u bnai, kum ta, kum ka dak jong ka jingsngew khia, halor katei ka jingleh jong ka NGT, la rai mynta ka sngi, ban pynlong ia ka jingkhang shnong, kaba 12 kynta ha kylleng ka Jylla. La iathuh da U Ma Balius, ba katei ka dei tang ka jingsngewkhia jong ki trai par, ki nongtrei dewiong bad u paidlang jong ka Jylla bad ula ong ruh, ba la wer ia baroh ba kin ia treilang. “Kam ktah ia ki ophis, ki skul, ki kolej, ki kali kin lah ban iaid, khamtam ki kali jong ki riew shimet” ong U Ma Balius bad ula kren shai ruh, ba katei ka jingkhang shnong, kam dei ban ktah ia ka shongsuk shongsain jong ka Jylla.
U Ma Balius, u khot kyrpad ia ki seng bhalang, ia u paidlang jong ka Jylla, ba kin ia treilang ha katei ka sngi 17tarik, ka ban sdang naduh ka por 5baje mynstep, haduh 5baje janmiet, ba kan long kaba jop.