Ka seng jong ki doktor ha Bangladesh, lane ka Bangladesh Doctors Foundation (BDF), ka iathuh ba ki don haduh mynta 170 ngut ki doktor, kiba trei ha ki hospital shimet lane ki hospital sorkar, kiba la ioh jingpang iabit coronavirus ha ka ri baroh kawei.
“Ki don 170ngut ki doktor, kiba la ioh jingpang iabit coronavirus, haduh ka Lah Sngi U Blei” ong U Nirupam Das, Chief administrator jong ka foundation. Kitei kiba la ioh jingpang iabit, ki long 143 ha Dhaka bad 27 ngut ha kiwei pat ki bynta jong katei ka Ri, kiba trei ha ki hospital sorkar bad ki hospital ki riew shimet.
La iathuh ba ki don phra ngut ki doktor jong ka Combined Military Hospital (CMH), Dhaka bad nangta sa phra ngut jong ka Bangabandhu Sheikh Mujib Medical University (BSMMU), kiba la ioh ia katei ka jingpang iabit coronavirus, ong ka BDF. Ha Dhaka, kaba bun eh ki doktor, kiba ioh ia katei ka jingpang, ka dei ha Sir Salimullah Medical College and Hospital (SSMCH), ha kaba ki don 25 ngut ki doktor, kiba ioh ia katei ka jingpang bad nangta sa 22 ngut ha Kishoreganj bad 14 ngut ha Narayanganj. La iathuh ba ki don 14 ngut ki doktor jong ka Sheikh Fazilatunnessa Mujib Memorial KPJ Specialized Hospital & Nursing College ha Gazipur, kiba ioh ia katei ka jingpang. Nangta 27 ngut kiwei pat ki long ha ki hynriew tylli ki Division bad kitei ki kynthup ia hynniew ngut ha Mymensingh, hynniew ha Chattogram, 3 ha Rangpur, 3 ha Khulna, hynriew ha Barishal bad uwei ha Sylhet.
Ha Bangladesh, ki don 101 ngut kiba iap bad 2, 948 ngut kiba ioh jingpang coronavirus.
Phi don ban ong eiei?