U Bah Pyngrope, kum u DGP thymmai
Shillong, 5 Naitung:
Ka sorkar jylla ka la thung ia u Peter James Pyngrope Hanaman (IPS) kum u Director General of police (DGP) ka jylla. U Bah Hanaman u la shimti ia kane hadien ba u Kulbir Krishan u la shah sloit noh na ka kam shwa ka elekshon. Shwa ia kane, ka sorkar ka la thung acting DGP ia u Prem Singh uba bat haduh mynta.
U Hanaman u dei u ophisar IPS jong ka snem 1979 uba bat kum u Special Bureau jong ka sorkar pdeng shwa ba un shah thung kum u DGP ka jylla.
U la ioh khusnam bun kynthup ka President Medal ia ki jingshakri ba bha jongu. U la shakri ha Assam nalor ba u don bynta shabar ri kynthup ha ka Brussels bad ha Kathmandu.