Shillong, 16 Nailar:
Ka 17tarik Nailar, ka dei ka sngi jong ka jingsngewsih, ha kaba lah ban pynlong kum ka pakhang shnong, sieh lama iong ne ki jingialang paidbah, ong ka HNLC, ha ka jingpynmih khubor, kaba mynhynnin ka sngi.
Katei ka kyrwoh, ka ong ba ka 17tarik Nailar 1948, ka dei ka sngi ba dum haka khana pateng jong ka bri u Hynñiewtrep ha kaba ia ka IOA & AA lah pyntreikam bad pynlong aiñ da ka bor ha Delhi lyngba u Governor, General ka India u Chakravarti Rajagopalchari, wat lada ka lah don ka jingpyrshah na ka liang ki syiem bad ki durbar hima ha kato ka por.
Lada kita ki khlieh nongsynshar ki ong ba ki syiem ki hima khasi ki lah soi ia ka IOA&AA, la ong pat ba ka jaidbynriew Khasi, ka khlem pat soi pat ia kata ka instrument of merger(kum kiwei ki state khamtam kum ha Assam). Ka kyrwoh ka ong shuh shuh, ba lada ka Assam ka soi ia ka Instrument of merger, katba ka Hynñiewtrep pat ka soi ia kata ka instrument of Accession and Annexed Agreement, hynrei ki dang pynhap lang pynban hajuh.
Ka HNLC ka iengskhem ba ka sorkar Hindu ka shu pynsoi jubor da ki ktang suloi ym da ka jingiamon lang ha kaba ka pynkheiñ ia ka standstill agreement kaba dei ban neh shuwa kumba 2snem.
“Lada ngi kwah ban pynkut iaki jingeh ka jaidbynriew, ym don lynti da kumwei lait tang lada ka Hynñiewtrep ka ioh shisha ia ka bor ba hakhliehduh ne Kata ka “SOVEREIGNTY” ka ban pyllait iaka ri jongngi naka jingshahteh shahkhum la haka imlang sahlang,ka ioh ka kot bad ka synshar khaddar” ong ka kyrwoh jong U Bah Sainkupar Nongtraw, Publicity Secretery jong ka HNLC. “Kyntang iawai,ka seng ka pynbna ba ia ka 17 nailar man la u snem , ngi kum ka jaidbynriew ngi lah dei ban rakhe ia katei ka sngi kum kata ka ‘BLACK DAY’ ha kylleng ka bri u Hynñiewtrep da kaba pynlong kum ka pakhang shnong,sieh lamaiong ne ki jingialang paidbah ter ter khnang ba ka pateng bad histori ka jaidbynriew kan im Pateng pakit” pynkut ka kyrwoh.
Phi don ban ong eiei?