17 & 18 yn ia khih ki kontraktor

Shillong, 10 Nailar:
Ki kontraktor ka ri lum Garo kiba don hapoh ka kynhun North Garo Hills Tribal Contractors’ Association (NGHTCA) ki la pynbna mynta ka sngi ba kin iakhih da kaba pynlong da ka jingteh poster ha ka 17 bad 18 tarik mynta u bnai ban pyrshah ia ka jingbym lah ka sorkar ban siew ia ka ram ba T.24 klur tyngka kaba dang sahkut ha PWD bad PHE.
Ia katei ka rai la shim ha ka jingialang Executive jong ka NGHTCA kaba lalong ha ka sngi hat majai jong ka taiew hadien ba ka jingai por jong ki kaba 15 sngi ka la kutnoh. Ha ak kyrwoh khubor ba la pyllait paidbah mynta ka sngi u General Secretary katei ka Association u Sengbab Momin u la ong ba ia katei ka jingiakhih yn pynlong ha Resubelpara Division, katei ka Association ka la pynrem ruh ia ka sorkar jylla ka bym shym la lah ban siew dep ia ka ram ba ki la sah.