Shillong: “Ka Telecom dei ka bynta jong ka Sorkar Pdeng, ka sor kar jylla ka dang buddien bad ka tnat Telecommunications, ka sorkar Pdeng ban pynsuk bad pynsted ban pynpoi ki lad Mobile Network sha ki Shnong nongkyndong ka jylla,” ïathuh u Myntri ka tnat Information Technology & Communication ka sorkar jylla u Bah Hamletson Dohling hapoh Ïing Dorbar Thawaiñ Mang tyng ka.
Ïa katei u la jubab ïa ka jingkylli u MLA ka Mawsynram Bah Himalaya Shang pliang, halor ka jing pynïasoh mobile network bad ka jingbuh tower mobile sha ba roh ki thaiñ nongkyndong.
U Myntri u la ong ruh ba baroh ki Tower Telecom ba la pynïeng ha ka jylla Meghalaya ki lah ban ïoh jingïarap pisa da ki kompani Telecom dalade ne da ka sorkar Pdeng lyngba ka Universal Service Obligation Fund (USOF).
“Namar ba ki kompani Telecom ki pynïeng ïa ki Tower Telecom ha ki thaiñ ba kham suk ki kam khaïi na ka bynta jong ki, kumta ka sorkar Pdeng ka ïarap pisa na ka bynta ban tei ïa ki jingtei Telecom sha ki jaka ba kyndong kiba ym lah ban pynsuk ka khaïi lyngba ka USOF,” ong u Bah Dohling.
Halor ka jingdonkam ban pynïoh ïa ki mobile tower ha Shnong Kenbah bad thaiñ Kenmynsaw hapoh Mawsynram Block ban pynsuk ïa ki nongshna tiar lyngba ki siej bad dieng jong kitei ki Shnong kumba la kyrpad u MLA Mawsynram, u Myntri u la ïathuh ba ka Sorkar jylla ka la phah ka shithi sha ka Ministry ka Department of Technology (DOT) ïa ka thup kyrteng ki 1613 tylli ki Shnong, kynthup ruh ïa kitei ki shnong ka Mawsynram.
Phi don ban ong eiei?