Shillong: U myntri ba dei khmih ia ka tnad pynroi sor u Hamletson Dohling u la ong ba ka sorkar Meghalaya ha ki sngi ban wan kan sah sdang noh shen ban pyntrei ia ki projek na ka bynta ka ‘Smart City’ da ka ba shna nyngkong eh ia ka iew thymmai hapoh Laitum khrah ha ka dor ba kot kumba 30 klur tyngka. U la ong ruh ba ki projek ba ka sorkar Meghalaya kan shna kin kot haduh 160 klur tyngka baroh bad kine kin dei ruh na ka bynta ban pyn itynnad ssuh shuh ia ka sor Shillong baroh kawei.
“Ka sorkar Megha laya kan sah wanrah shen ia ki ‘Work order’ na ka bynta ban pyn itynnad ia ka sor Shillong baroh kawei” u la bynrap.
U Hamletson Doh ling u la ong ba ia ka iew hapoh Laitumkhrah yn pyn pra shwa hashwa ban tei thymmai. U la ong ruh ba ka sorkar Meghalaya kan tei ruh ia ia ka iew thymmai ha Polo ha ka dor kumba 80 klur tyngka mar pyrshah ia ka Complex thymmai ka ban sah plie noh hi ha ki por ban wan.
U myntri ba dei khmih ia ka tnad pynroi sor u la ong ruh ba ka sorkar Meghalaya kan sah pynbha shuh shuh ia ka surok na ing u lat ka jylla sha Polo bad yntei ruh ruh kum ia ka jaka ieng kali, ka park bad ka museum ha Barik khnang ban pyni itynnad shuh shuh ia ka sor Shillong.
Phi don ban ong eiei?