16 tylli ki mat dawa ki samla pule NEHU na U VC

Shillong, 23 Risaw:
Ki khynnah pule ka skulbah NEHU ki la leit rah haduh 16 tylli ki mat donkam ha khmat u Vice Chancellor katei ka skulbah, kitei ki 16 tylli ki mat ba ki khynnah ka skul bah NEHU, ki la leit rah ki kynthup ia ka jingkwah jong ki ban wan rah ia ka CSIR-NET Examination Centre ha Shillong, kaba dei ka mat ba ki la dawa la kham slem, hynrei haduh mynta ym pat shym la leh eiei khlem da pyni na kaei ka daw, ki la kdew ba ka jingdon katei ka Centre tang ha nongbah Guwa hati ka la pynjynjar ia ki ha ka bor pisa pilain, ka bor met bad ka bor pyrkhat.
Kiwei pat ki mat ki long ban pynbun ia ki Seat jong ki samla kiba pule ia ka MSC, namar ba ki la bun ki samla kiba pule ha katei ka lain, kawei pat ka dei ka jingdawa jong ki ban buh lypa 50% ki seat na ka bynta ki khynnah NEHU ban pynrung na ka bynta ban pule M. Phil. /Ph.D. Ki la dawa ruh ba katei ka skulbah ka dei ban tei sa 6 tylli ki Hostel, ar tylli kaba thymmai na byngta kawei ka tnad pule kata kynthei bad shynrang, kaba mut na ka bynta kiba pule UG, PG bad Research Scholars.
Ban pynbun ia ki Bus ba leit shaw ia ki samla pule namar ba kumba ka long mynta ki la ong ba ka jingdon ki Bus kam pata biang bad ka la pyniakynduh jingeh ia ki samla pule. Ki la ong ruh ba ki la ioh jingtip ba ki don bun tylli ki kam Prof, bad Asstt Prof bad kiwei pat ki nongtrei kiba dang lait kiba ka skulbah kam thep shuh lano lano ruh ha kitei ki jaka. Ki la dawa ba ka skulbah ka dei ban pynrung kam noh ha kite ki kam ba lait.Ki jla dawa ban thung ia u Dean Students’ Welfare (DSW) uba shirta. Ki la don shibun kiwei pat ki mat ba ki samla pule NEHU ki la dawa na u VC kaba kynthup ia ki lynti iaid kjat ki bym biang, ki sem ap kali, ki jingjngai jong ki ATM, ki kot ha ka thup buh kot katei ka skulbah, ki jingbym biang ki madan ialehkai bad kiwei pat.