Shillong: U MLA shimet na Nongkrem u bah Lambor Malngiang un lum jingialang ha ka 16 tarik mynta u bnai ban shim ia ka rai la un iakhun hi ne em ia ka MDC elekshon na Nongkrem.
Ka MDC elekshon sha ka KHADC bad JHADC kan long ha ka 27 tarik Rymphang ban wan.
Haba kren mynta ka sngi, u bah Lambor u la ong ba haduh mynta um pat rai eiei ban iakhun ne em ia ka elekshon, hynrei kan shong ha ka rai ka jingialang kaban long ha ka 16 tarik.
“Ngin don ka jingialum ha ka 16 tarik Kyllalyngkot ban iakren shaphang ka MDC elekshon”, la ong u bah Lambor.
U la ong ba ha katei ka sngi, yn sa shim ia ka rai khamtam na ka liang jongu, ban ialeh ne em ia ka MDC.
U Bah Lambor uba kyrshan ia kane ka MDA ba ialam ka NPP, u la bat kum u chairman ka State Planning Board ka jylla.
Kham mynshwa, ka la don ka jingiakren ba u bah Lambor u lah ban pyniakhun da u para jongu, hynrei kumba ka paw ha kine ki sngi, ka lah ban long da kumwei pat.
Na Nongkrem kiba lah ban iakhun ki long u Bah Lambor Nongrum na ka Congress, ka HSPDP ka la pynbna da u bah Hilarius Warbah katba ka UDP kam pat pynbna kyrtong haduh mynta.