16 tarik mynta u bnai ka jingthep kyrteng ia ka ilekshon Chairman bad CEM ha KHADC

Shillong: Ka ophis jong u Secretary jong ka Legislative jong ka Khasi Hills Autonomous District Council (KHADC) ka la pyntip ia ka jingpynbna ba ka sngi ban thep ia kyrteng ban ia khun ia ka kam Chairman bad ka kam CEM kan long ha ka 16 tarik u Lber 2020 bad kino kino kiba kwah ban ia khun ia kitei ki ilekshon kin lah ban thep kyrteng.

U Secretary jong ka Legislative jong ka KHADC u la ong ba ka jingthep kyrteng ban ia khun ia ka ilekshon Chairman bad CEM kan long ha ka sngi nyngkong bad kiba thep kyrteng ki dei ban thep shuwa ka 12.00 baje mynsngi bad ka jingbishar bniah ia ki kot thep kyrteng kan long ha ka por 12.15 baje.

Ka ilekshon na ka bynta ka kam Chairman kan long ha ka 17 tarik por 10.00 baje mynstep bad ia ka kam CEM kan long ha ka 18 tarik por 11.00 baje mynstep