16 ngut ki high risk contact, u doktor ha Civil Hospital

Shillong: Khat-hynriew ngut ki briew la shem ba ki dei ki high risk contacts jong u doctor jong ka Shillong Civil hospital, uba dang shu lap shen.

Une u senior Anaesthesiologist jong ka Shillong Civil Hospital u la ioh ia une khñiang jingpang hadien ba u la sumar ia uwei na ki nongpang uba la khlad noh North Eastern Indira Gandhi Regional Institute of Health & Medical Sciences (NEIGRIHMS).

“Kumba khat-hynriew ngut la shem ba ki dei ki high risk contact jong une u doctor,” iathuh u Director jong ka Health Services (MI) Dr Aman War bad la pyntip ruh ba une u doctor mynta u don hapdeng ka quarantine ha ka Isolation Ward jong ka Civil Hospital, Shillong.

Kumjuh ruh, u Dr. A. War u la iathuh ba 600 of 800 ngut ki nongtrei jong ka Shillong Civil Hopital la shem ba kim don ia une u khñiang jingpang ba iabit.

Na ka liang jong ka Sorkar jylla ruh ka la pyntip ba la pyrkhing bha ia ka iaid ka ieng jong ki paidbah ha ki bynta jong ka Shillong civil hospital na ka bynta katto katne sngi.

U Dr War u la iathuh ba ia ka OPD jong ka hospital, la plie biang hadien ba ladep pynkhuid ia ki bynta jong ka hospital.