16 Naiwieng, yn rai kut ka Supreme Court

Shillong, 2 Naiwieng:
Ka Supreme Court, ka la pyn kynriah sha ka 16tarik mynta u bnai, na ka bynta ban ai rai, halor ka bor jong ki Rangbah Shnong, ha Ri Khasi Jaintia.
Kham mynshwa, ka kashari, ka la buh ba kan rai kut, halor ka iktiar jong ki Rangbah Shnong, mynta ka sngi; hynrei, namar ka jing bunkam jongka, ka la kynriah noh sha ka 16tarik mynta u bnai.
U Bah Pynskhem borlang K Sawian, uba dei uwei na ki nongmudui pyrshah, halor ka rai jong ka High Court, kaba la pynduh bor ia ki Rangbah Shnong, ha Ri Khasi Jaintia, haba iakren tang bad U Rupang, u pynpaw, ba na ka liang jongu, u don ka jingkyr men kaba thikna bha, ba ka jingbishar, kan long sha ka liang jongki. Hynrei, namar ba ka kashari kam don lad ban leh da kumwei, ka la shu buhteng noh ban pynmih ia ka rai kut jongka, ula ong shuh shuh.
Lah ban pynkyn maw, ba U Bah Pynskhem borlang K Sawian, u bah Lber Laloo, U bah Madal Sumer lem bad U Bah Gavin M Mylliem, ki la ujor sha ka Supreme Court, ha ka 14tarik Nailar 2015, ban pyrshah ia ka rai jong ka Megha laya High Court, kaba ha ka 27tarik Kyllalyngkot 2015, halor ka iktiar ki Rangbah Shnong.