16 Nailur, yn bishar ia ka mukotduma ST U Mukul

Shillong, 6 Nailur:
Ka Meghalaya High Court mynta ka sngi ka la pynkynriah noh sha ka 16 tarik myntau bnai ban tian bishar halor ka Public Interest Litigation (PIL) kaba la mudui pyrshah ia ka jingioh pdiang Scheduled Tribe certificate u Myntri Rangbah ka Jylla, Dr Mukul Sangma.
Na ka liang jong ka Division Bench kaba kynthup ia ki ar ngut ki Nongbishar kiba kynthup ia u chief justice ba shipor, u T andakumar Singh bad u SR Sen kum u Nongbishar ka la pynkynriah noh ia katei ka jingtian bishar sha ka 16 tarik jong u bnai Nailur ban bishar halor kane ka mukotduma.
Katkum ka khubor ba la ioh lum la iathuh ba, ka jingpynkynriah noh ia katei ka jingtian bishar kaba long mynta ka sngi kadei na ka daw jong ka jingpan por ha kaba uwei na ki nongbishar u hap ban mih noh na shiteng jong ka jingtian bishar halor kane ka mutkotduma ba ladep ai lyngba ka PIL.
Ha ka sien tian bishar kaba nyngkong ha ka 30 tarik u Nailar, ka Iingbishar ka la bthah ia baroh arliang mamla wanrah ia ka Reservation of Scheduled Caste and Scheduled Tribe Act and Rules of Meghalaya bad ka kot lyngkdop halor ka Scheduled Caste and Scheduled Tribe kaba la pynmih da ka Sorkar Pdeng.
Lah ban pynkynmaw ba u nongmudui ia kane ka PIL, u dei u Tennydard M Marakha kaba u la kynnoh ba ka jingioh u Dr. Mukul ia ka certificate ba u dei u riewlum ka la long kaba ym lah satia ban pdiang, hynrei ka dei ka jingleh thok.