15tarik lehniam Iewduh ka Hima Mylliem

Shillong, 22 Risaw:
Ka dorbar u Syiem ka Hima Mylliem, Mawkhar Shillong ka pyntip ba ka jinglehniam ha Iewduh Raid Mylliem, Hima Mylliem kan long ha ka 15 tarik u naiwieng , 2015 kaba hap ha ka sngi u blei Iew Rynghep.
Katei ka jingleh niam kan sdang naduh ka por 9 baje mynstep na Basa diengkain (Khlieh Iewduh) haduh ban da pyndep kam kata ha Basa kwai. Ha katei ka sngi lehniam kan don ruh ka jingkhang kyrpang ia ka Iewduh ha katei ka sngi khnang ba ki nongshong iew kin ioh ban sakhi lang ia ka jinglehniam.Kan don ruh ka shad ka kmen hadien ka jinglehniam.