15tarik khot bishar ka PAC, ia ka MeECL

Shillong, 3 Naiwieng:
Ka Public Accounts Committee (PAC), ka la rai ban khot hajir ia ki heh jong ka MeECL bad ka tnat bor ding jong ka sorkar Jylla, halor ka jing bym lah jongki ban ai jingiada kaba pura ia u paidlang ka Jylla, uba pyndonkam bor ding.
“Ki don shibun ki jing ujor pyrshah ia ka tnat bor ding bad katei ka pyni, ba kam don ka jing iaid beit ha katei ka tnat bor ding” ong U bah Paul Lyngdoh uba dei u lamphang jong ka PAC, ha kaba ula ong ba ka komiti kam hun satia ia ki jingtreikam jong katei ka tnat.
Halor ka jingiap jong ki hynniew ngut ha ka long iing ha Lyngiong, U Bah Paul, u ong ba katei kan lah ban long ka kam pyniap briew bad kumta ka PAC, ka kwah ban tip bniah, ba ka lah ban dei na ka jingleh torti jong katei ka tnat sorkar, kaba la pyniap ei ia kitei ki hynniew ngut na kawei ka long iing. La sngewthuh ba ka PAC, kam mynjur ruh ban siew tang T.1lak sha iwei na kitei kiba iap bad kumta la bthah, ba kin wan ban hajir ha ka 15tarik mynta u bnai.
Ka PAC, ka la khot hajir ruh ia ki ophisar jong ka tnat ka koit ka khiah, ha ka 15tarik Naiwieng bad ka daw, ka long, ba ki mih shibun bah ki jing ujor, halor ka jing bym larkam ka jing pyntreikam jong ka skhim Meghalaya Health Insurance Scheme (MHIS) ha ka Jylla.