153 ngut kiba ioh pang thymmai, 5 ngut kiba iap covid ha ka Jylla

Shillong: Kiba ioh pang covid thymmai mynta ka sngi, ki don 153 ngut ha ka Jylla hi baroh kawei.

Ka East Khasi Hills, ka don 104 ngut bad ki riew paidbah, ki don 103 ngut, ka West Garo hills, ka don 25 ngut bad ka Ribhoi District, ka don 11 ngut kiba ioh pang thymmai.

Kiba la jem na ka jingpang 176 ngut bad kitei ki kynthup ia 139 ngut na East Khasi Hills, 20 ngut na West Garo Hills, 5 ngut na Ribhoi District bad 5 ngut na West Jaintia Hills District.

Baroh kiba dang don ia katei ka jingpang, haduh mynta ki long 2,339 ngut bad ka East Khasi Hills, ka don 1,609ngut bad kitei ki kynthup ia 1,573 ngut ki riew paidbah. Kiba la jem baroh na ka jingpang, ki long 5,582 ngut bad kiba iap ki la poi sha ka 70 ngut, da ka jingdon sa 5 ngut kiba iap bad kitei baroh ki dei na East Khasi Hills District.