150ngut ki samla na Manipur, ki ioh ban leit skul biang ha Delhi

Imphal:Kumba 150 ngut ki samla pule na ka jylla Manipur kaba don ka jingiaumsnam ba shyrkhei bha, ki la pynrung kyrteng ialade ha ka skul sorkar ha nongbah Delhi, la kam u myntri rangbah jong ka New Delhi u Arvind Kejriwal ha ka jing rakhie ia ka sngi laitluid ha kawei na ki skul ha nongbah jong ka ri.
Kumba 150 ngut ki briew na jylla Manipur, la pynrung kyrteng ha ki skul sorkar ha Delhi Government School, khlem kino kino ki sertiphiket ban pynshisha.

Kan sa don ruh ka jingiarap ia kine ki khynnah na jylla Manipur ba kin lah ban im kum kiwei pat, nangne shakhmat.
U Myntri Rangbah jong ka New Delhi, u la pynpaw ruh ka jing sngewsih bad ka jingiaumsnam ba dang neh ha kine ki sngi kaba la pynkylla khlem ïing khlem sem ruh ia ki bun ngut ki briew.

Ka jylla Manipur ka la pluh, naduh ka 3 tarik Jymmang, hadien ka jing iakulmar jaitbynriew hapdeng ki kuki bad ki meitei kaba la pynmih ruh ia ka jing iakulmar ba shyrkhei bha.
Kumba 150 ngut ki briew ki la duhei ia la ka jingim ha kane ka jingiaumsnam katba kiwei pat ki la kylla sakma na ka jingiaumsnam ba la neh saw bnai kynthih.