15 sngi bthah ka SLSC ia u Marak, ban jubab ba pyrshah Mukul

Shillong, 31 Lber:
Ka State Level Scrutiny Committee (SLSC) kaba la thaw da ka sorkar jylla ban tohkit halor ka jingkynnoh ia u Dr Mukul Sangma bym dei u riewl um, ka la pan jingshai na u Tenydard M Marak hapoh 15 sngi ban ai jubab ha ka Komiti.
Ha ka jingbishar ka ba long mynta ka sngi Lah u Blei, u Marak uba dei u dkhot ka All North East Indigenous Garo Law Promoters Association (ANEIGLPA) kaba ujor pyrshah ia ka kyrdan ST u Myntri Rangbah u Mukul Sangma.
“Ngi la rai ban ai por 15sngi ia ka dorkhar ba un ai ia ka jingshai ha ka Committee. Ka Committee kan pynlong ia ka jingbishar biang hadien ba la pule ia ki kot ki sla ban aiti da u nongujor”, la ong u chairman ka SLSC u T Dkhar.
Ha kane ka jingbishar, la wan mih tang u nongujor u Marak, wat la ka Komiti ka la khot ia kiwei ruh.
Shwa ia kane, ka Komiti ka la pan jingshai na ki nongujor kiba ujor ia jingujor pyrshah ia ka jingioh kyrdan ST u Mukul Sangma.
Katkum ki nongujor, u myntri rangbah u Mukul Sangma um dei u ST da kaba kha bad u dei ba shu pynkylla hadien.
Ka Supreme Court ha ka 20 tarik Kyllalyngkot, ka la ai por phra taiew ia ka National Commission for Scheduled Tribe ban ai jingshai halor ka jingioh kyrdan ST u Myntri Rangbah bad kane ka jingbuh ka Supreme Court ka la kut dang shen. Ia kane ka SLSC la thaw da ka Social Welfare ka jylla.
Ki dkhot kane ka SLSC ki long u Law secretary u LM Sangma, director ka social welfare u bah HM Shangpliang bad u Head ka NEHU Anthropology Dr R Khongsdier.