15 sngi ai por ki kontraktor ia ka sorkar ban pyllait, ia ka ram kaba T.24 klur

Shillong,21 Naitung:
Ki kontraktor na ri Lum Garo kiba don ha ka kynhun North Garo Hills Tribal Contractors’ Association (NGHTCA) ki la ai por ia ka sorkar hapoh 15 sngi ba kan siew dep noh ia ka ram jong ki kaba la kot sha ka T.24 klur tyngka bad katei ka jingbuh por, kan sdang naduh mynta ka sngi. Katei ka ram ba ki kontraktor ki sah ia ka sorkar jylla ka dei ha ki ar tylli ki tnad kata ka PWD bad ka PHE bad kila byrngem ba lada ka sorkar kam lah siew kin pynlong da ka jingiakhih.
U President katei ka Association u Jagir M Sangma u la ong ba ki la pynkhreh ban pynlong da ka jingiakhih lada jia ba ka sorkar kan ym lah ban siew hapoh ka 15 sngi.
Katei ka Association ka la ai da ka jingthoh sha u myntri rangbah ka jylla u Dr.Mukul Sangma lyngba u Deputy Commissioner katei ka District ba ka sorkar ka dei ban pyllait noh ia ka pisa ba ki la pyntrei hapoh Resubelpara Division.
Ki la iathuh ba ki kontraktor ki la sahram haduh T. 1460 lak tyngka tang ha PWD bad T.1000 lak ha PHE, ha katei ka jingthoh sha u myntri rangbah ki la ai ka jingkhein kaba bnaih ha ki ar tylli kitei ki tnad kaba kynthup ia ka FDR (Natural Calamities) 849 (lak), ka 5054 (General) 57 (lak), ka 5054 (13 th Finance) 22 (lak), ka 5054 (SPA) 127 (lak),bad 5054 (RIDF) 354 (lak). Katba ha ka tnad PWD pat ki ram ba dang sah ki long ha ka 8443-RWSS (Plan) (Works) 500 lak, ha ka 8443-NRDWP (Schools & ICDS Centres) 100 lak, ha ka 8443-NRDWP (Sustainability) 400 lak bad baroh ka kot T.1000 lak.