15 Jylliew, ka phainal shad ha Jaintia

Shillong: Ka seng All Jaintia Dancer Association, kat kum ka khubor bala iathuh da u President u samla Kyrshan Rymbai ka pyntip ba ia ka nam lahduh jong ka dance Jaintia Dance, kan pynlong ha ka 15tarik Jylliew 2019 ha District Library Mynthong Jowai, ka ban sdang ha ka por 3 baje janmiet.
Shuh shuh la iathuh ba ia kane ka jingiakob shad baheh duh hapoh ka rilum Jaintia la sdang naduh kine ki bnai ba la dep lyngba ka audition ba la dep pynlong ha District Library Jowai ryngkat ka jing don ki nong bishar ba tbit jong ka jylla bad ruh ki nong iashim bynta haka audition ki la wan na kylleng ki jaka bad ki shnong jong ka rilum Jaintia.
Ki ban iaknieh ia ka nam lahduh ha ka grand final ki long ka Manisha Mukhim na Saitsama ka Vanalari ika Lhuid na Ialong Daman ibha Lamarna Lumiongkjam Jowai Ka Rekha Syrti na Jalaphet,Muhor Dkhar na Myrjai,U Nicky C Sumer na Panaliar,Enibha War,Protection Phawa, Ida em Tre sumer bad Odaryca Chyrmang na Tyndowapung.Shuh shuh, ka khubor na ka seng ka ong ba yn pynshong shit shuh shuh ia katei ka prokram da ka jing wan iashim bynta ki nong rwai bad nong shad ba paw jong ka jylla jong ngi bad ka Seng ka iawer ia ki paidbah jong ka district bad ka jylla hi baroh kawei ba kin leit bad sakhi hi dala ki jong ki khmat ia katei ka jingiaknieh nam lahduh ba heh duh hapoh Rilum Jaintia.