15 bad 18 Jylliew, ki sngi ba sngewsih ki doktor ha India

Shillong: Ka Indian Medical Association, ka la rai ban shim khia halor ka jing thombor ia ki doktor ha kylleng ka Ri, wat la ki doktor ki dei kita ki shipai kiba ha khmat, ha ka jing iakhun pyrshah ia ka khlam corona virus.

Katei ka seng, ka la bthah ia ki shnat trei kam bapher jongka, ba kin deng lama iong lane phong sopti iong lane ban deng tie uba ioh, ha ka 15 bad 18tarik Jylliew 2021, ban pynsngewthuh ia ki paidbah, na ka bynta ban pynkhlain ia ki ain jong ki nongtrei ia ka koit ka khiah.

Ki don ki shnat seng, ki ban nym peit ia ki nongpang kiba wan na bar, ha ka 18tarik Jylliew 2021. La bthah ruh ia ki doktor, ba ha ka 18tarik, ba kin pyn donkam ia ka social media, na bynta ban kren pyrshah, halor ka jing thombor ia ki doktor.