145 ngut ki nongtrei MCCL ban shong thait mon sngewbha

Shillong, 07 Jylliew:
Ka sorkar jylla ka la mang pisa T. 22.3 klur ban ai sha ki 145 ngut ki nongtrei ka Mawmluh Cherra Cement Limited  (MCCL) kiban shongthait mon sngewbha noh da ka Voluntary Retirement Scheme (VRS).
Ia kane la iathuh da u Myntri Rangbah ka jylla u Mukul Sangma hadien ba la wai ka jingialang jong ka kynhun myntri hynne ka sngi.
U la ong ba ka jingpyntreikam ia ka VRS ia ki nongtrei ka MCCL ka long shi bynta ban pynthymmai bad ban pynkhlain ia ka karkhana kaba la iakynduh shibun ki jingeh na ka jingkyrduh pisa namar ka jingbym lah ban pynmih pisa na ka jingtymmen jongka.
“Ngi kwah ban pynkhlain bad ban kyrshan ia ka MCCL, bad napdeng ki 455 ngut ki nongtrei, 145 ngut ki la pdiang ia ka VRS, ha kaba ka sorkar ka la pdiang”, la ong u Mukul Sangma.