144CrPc ia kiba pyniap dohkha ha wah Umngi

Shillong, 8 Lber:
U District Magistrate ka East Khasi Hills District u la pynjari da ka hukum Section 144 CrPC kaba la khang pyrshah ia uno uno u briew ban pyniap dusmon ia ki dohkha da kaba be-aiñ ha shi lynter ka Wah Umngi kaba iaid lyngba ka Kenbah, Kenmynsaw, Phlangwanbroi, Mawrapat, Mawkasain, Kynrang, Mawpdai, Jyllep, Khiehriat, Pom blang, Laitumsaw, Dangar, Umsawrang, Photstein, Lalpani, Dangardop bad ki wah barjan da kaba pyndonkam ban ber bih lane ban pynbthei bom. Ia katei ka hukum la pynmih na ka daw ka jingkynrei palat ka jingpyniap dusmon ia ki dohkha dohum ha katei ka thaiñ,katei ka hukum kan treikam naduh ba mih kane ka khubor haduh ban da mih da kawei pat ka hukum.