14 sngi shah set phatok, ba shoh ia arngut ki khynnah rit

Shillong: Ka kong Doreen Lyngdoh, kaba sah ha Mawlai Nongpdeng, ka la shah set phatok, na ka bynta 14 sngi kynthih, na ka daw, ba ka shoh ia ki arngut ki khynnah rit, kaba 11 bad 12 snem ka rta. Ki pulit, ki la kem ia katei ka kong ha ka 27tarik Naiwieng 2019, hadien ba ki la ioh ia ka jing ujor na ki kmie ki kpa jong kitei ki khynnah rit.

Na ka liang jong ka kong Meena Kharkongngor, Chairperson jong ka State Commission for Protection of Child Rights, la iathuh ba ka dang buddien bha ia katei ka kam bad la iathuh ruh ba la pyn ngat ia ka kong Doreen, ha ki kyndon bapher jong ka Juvenile Justice Act. La iathuh ruh ba la ujor ejahar ia kito ki briew kiba pynmih kyrteng bad ki dur jong kitei ki khynnah ha ki social media.