14 ngut, yn leit iakhun ki nongshad nongrwai ha ka India Talent Fight

Shillong: Ka All Meghalaya Dancer’s Association ka kitbok kitrwiang ia baroh 14 ngut ki nongrwai bad ki nongshad kiba na kylleng ki District ka Jylla Meghalaya ki ban sa leit iakhun noh shen ia ka India Talent Fight ki ban sa mih noh nangne na Nongbah Shillong ha ka 28tarik Nailar, 2019 hapoh ka jingialam jong ki dkhot ka AMDA.

Kum ban pynkynmaw kine ki khynnah ki dei ki ba la don ia ka nam ha ka Jylla kiba la ju iakhun ruh ha ka State Level jong ka Meghalaya Super Star Season- I, Season – II bad Season – III, bad ki District South West Khasi Hills, Got Talent, Ri-Bhoi Got Talent Season-I, West Khasi Hills Got Talent, kiba ka seng na ka por sha ka por ka la thaw lad kumno ban plie ia ka lynti ha ka ban pynrung ha ki rynsan jong ka nongbah ka Ri India ha ki Television bapher bapher.
Ki ban leit shim bynta ki long U Gabriel Mawlong, (Upper Shillong) shnong trai na Mairang, uba dei u contestant jong ka North East Idol uba la ju ia khun teng ha ka Saregamapa, U Boby Shangdiar, (Mawsmai, Sohra Shella) uba dei u nongjop jong ka Shella Got Talent bad Meghalaya Super Star Season-III Winner u ban sa leit iakhun ruh ia ka North East Dancing Star, Ka Samla Great Mary Langte (Na Nongnah, South West Khasi Hills) 2nd Runner-up Meghalaya Super Star Season-II, U Jeffrey Nongsiej (Bhoi-Rymbong) Finalist Meghalaya Super Star Season-I, U Gary Kynshi Khar (Na Nongkasen), ka Lawanpynhun Nongsiej (Mawkyrwat), U Rikupar Syiemlieh (Phutjaud Rangthong, South West Khasi Hills), U Jusnolimit Beat Box Group (Mawlai Mawroh, Shillong), U Nathan Laitphlang bad U Badapkupar Kurbah, Finalist Meghalaya Superstar Season-II, (x) ka Daiaphika Lymba, (War Jaintia Shnong-Pdeng) 1st Runner-up Meghalaya Super Star Season-III, U Kitborlang Khylait, Finalist Meghalaya Super Star Season-I and 1st runner-up Life Wire for Peace Season-II, finalist Bharat Ki Koch in Mumbai bad u trai jong ka Rise-Up Dance Academy, U Carmel Dohling (Sohra) Nongrwai ba Pawkhmat, ka Evanisha Pathaw, (Mawlai Kynton Massar) Winner of Northeast Highway Star and Judges Meghalaya Super Star, U Memellan Snaitang (Nongkenbah South West Khasi Hills) winner South West Got Talent and finalist Meghalaya Super Star Season – II.
Napdeng kine ki nongshim bynta ki don ruh ki ban hap sahngeh noh namar bym don ba kyrshan ha kaba iadei bad ka jinglut jingsep kaba bun, wat haba ki la pyrshang ban iakren bad ki nongmihkhmat jong ki kim shym la pushe ei ei. Na ka liang ka seng ka pynrem ruh ia kum kine ki nongmihkhmat ki bym phai khmat sha ki samla donsap bad leh nohei ka jingkular ha rynsan jong ki week ha ki shong ba ki da kular ban shim khia ia ka sap ka phong tang ha kato ka khylliep mat ynda dei ka por ki kynran dien ban iarap bad ha ka juh ka por ka seng ka ai khublei sha ki paidbah bad kito ki nongmihkhmat kiba don shisha ka jingkitkhlieh ia la ki riew donsap jong ka Constituency.