14 ngut kiba la test Covid positive mynta ka sngi

Shillong: U Myntri ba dei peit ia ka tnad ka koit ka khiah u bah Alexander L Hek, u la iathuh ba mynta ka sngi, ki briew kiba la test Covid Positive, ki long 14 ngut, ha East Khasi Hills District 11 ngut, ha North Garo Hills District uwei bad ha West Garo Hills District 2 ngut.

Haba ia kren bad ki lad pathai khubor u bah Hek u la iathuh ba ha East khasi Hills District, ki 11 ngut ki ba la test Covid positive ki kynthup ia ki 3 ngut ki Arm Forces bad 8 ngut ki riewpaidbah ha North Garo Hills District bad ha West Garo Hills District ruh ki dei ki riewpaidbah.

Haba batai shai shapahng ki ne ki briew kiba la test Covid Positive, u bah Hek, u la iathuh ba na ki 8 ngut ki riewpaidbah ha East Khasi Hills District kiba la test Positive ki long 2 ngut ki dei ki ba dang shu wan na shabar ka jylla, 2 ngut ki dei ki ba don ka jingshitom bad haba ki leit ban shim dawai la shem ba ki long Positive, i wei i dei i nurse jong ka NEIGRIHMS Hospital, u wei u dei u High Risk contact jong u briew u ba la khlad na ka jingpang Covid na Upper Mawprem, iwei i dei i High Risk Contact jong iwei i ba long positive, iwei i dei i ba high risk Contact jong u ba wan phai na Assam.

Ha North Garo Hills i ba la test Covid Positive mynta ka sngi i dei i ba leit phai sha North Garo Hills District na Pynthorbah,Shillong ha West Garo Hills District uwei dei u nong shong dukan bad iwei i dei ba wan phai na shabar ka jylla .

Ha ka jylla haduh mynta ki briew ki ba don ia kane ka jingpang ki long 640 ngut, ha East Khasi Hills District 436 ngut, ha Ri Bhoi District 83 ngut, ha West Khasi Hills District 3 ngut, ha South West Khasi Hill District uwei, ha West Jaintia Hills District 16 ngut, ha East Jaintia Hills District 6 ngut ha West Garo Hills District 84 ngut, ha South Garo Hills District 2 ngut, ha North Garo Hills District 6 ngut bad ha South West Garo Hill District 3 ngut. Ki briew ki ba la ioh jingkoit pura ki long 547 ngut kynthup Ki sample ki ba ladep ban phah test ki long 42,706 tylli ki ba long negative ki long 41097 tylli bad ki result ki ba dang ap ki long 816 tylli.