13tarik, yn sei ia ka shithi U Jawaharlal Nehru Yn sei madan ia ka jingia soi soskular bad ki Hima Khasi

Shillong,11 Nailar:
Ka Dorbar ki Khlieh Nongsynshar shnong bad ka, Federation of Khasi States, kaba kynthup ia ki Ka Dorbar Ki Dolloi, Ki Sirdarship and Council of Nokmas kan pynlong ia ka jingialang ha ka 13 tarik mynta u bnai ha Khasi National Dorbar Hall, Mawkhar, Shillong, ha ka por 11 baje mynstep ha ryngkat ka jingiadonlang ki nongsynshar shnong, ki Dorbar shnong, hima , ki sengbhalang bad kiwei ban sei madan ia ka shithi kaba la thoh da u Myntri Rangbah Barim ka Ri u Pandit Jawaharlal Nehru ha ki snem 1947. Katei ka shithi ka dei kaba ka Federation of khasi States ka la wad la bun bun snem, hynrei ka dang shu lap shen ia ka.
Ki 25tylli ki Khasi States, ki la ia soi bun ki jingiateh ha Shillong naduh ka 15 tarik u nohprah haduh ka 19 tarik 1948 ha ka jingdon ryngkat u Akbar Hydari, u Lat ka jylla Assam.
Hadien ba ka Khasi States ka la ia soi ia kata ka jingiateh la phah sha Delhi ha kaba la mynjur bad la soi ia ka da u Late Chakravarti Rajagopalachari, u Governor General ba khadduh a India ha ka 17 tarik u Nailar 1948. Ki Khasi States ki la kyntait ban ia soi ia ka Instrument of Merger kumba la leh da kiwei pat ki States barim ka India.