13tarik, pynkut 25 snem ka FKJGP

Shillong, 30 ‘lyngkot:
Ka FKJGP Seng kmie lyngba ka kyrwoh na u Chief Organiser u bah Marbud Dkhar ka la pynbna ba kan don ka jingialang jong katei ka seng ha ka ophis Seng kmie ha Mawlai mot Syiar ha ak por 1 baje mynsngi , bad katei ka jingialang ka long ban pyrkhat na ka bynta ka 13 tarik ka sngi ba ka FKJGP kan pynkut noh ia ka rakhe 25 snem jong ka, ka ban long ha Soso Tham Auditorium, ka kyrwoh ka la kyrpad ia baroh ki President/Secretary Unit ba Circle kiba hap hapoh ka East Khasi Hills bad Shillong City ba kin poi khnang sha katei ka jingialang.
Ha kawei pat ka khubor, ka FKJGP Jaintia hills kum shi bynta na ka jingrakhe ia ka jingdap 25 snem jong ka , mynta ka sngi ka la pynlong ia ka jingtah dur bad jingthoh ha kylleng ka sor Jowai bad katei ka jingthoh ka dei kaba la thoh halor ka phang ba pynduh noh ia ka jingshongkha khynnah bad ba ki samla ki de ban kiar na ka jingshongkha ha ka rta kaba rit. Katei ka seng ka la leit tah ia kitei ki jingthoh ha kylleng ki dong jong ka sor Jowai.