13tarik Nohprah, ki elekshon MDC ha KHADC & JHADC

Shillong, 27 Nailur:
Ka sorkar jylla lyngba u Commissioner & Secretary, District Council Affairs (DCA), u la pynbna ba ka elekshon MDC shiteng samoi sha ki 7 tylli ki konstitwensi kynthup hynriew tylli ha ka Khasi Hills Autonomous District Council bad kawei ha Jaintia Hills Autonomous District Council kan long ha ka 13 tarik Nohprah 2016.
Ki konstitwensi ha KHADC ki long ka 8-Nongkrem, 15-Laban-Mawprem, 22-Nongspung-Sohiong, 23-Mairang-Nongkhlaw, 24-Pariong-Mawthadraishan bad ka 28-Rambrai-Jyrngam katba kawei ka 1-War-East Constituency ha Jaintia Hills Autonomous District Council.
Ka jingpynbna ia ka thep kyrteng nongthep vote 10-10-2016, ka tarik ba khadduh ban thep kyrteng bad ban kyntait 25-10-2016, ka jingpynbeit ia ka jingujor 15-11-2016, bad ka jingpynmih ia ka jingpynbna ba khadduh jong ki nongthep vote kan long ha ka 18-11-2016.
Ka jingthep kyrteng kiba kwah iakhun kan long naduh ka 21 haduh 28 tarik Naiwieng, 2016, ka tarik ban bishar ia ki kot ki sla kan long ha ka 28-11-2016 bad ka tarik ba khadduh ban weng kan long 01-12-2016, bad ka sngi ban jied shap kan long ha 03-12-2016 bad ka tarik ban niew kan long ha ka 16-12-2016.