Sohra:U Syiem ka Hima Sohra u pa ‘yiem Freeman Syiem u la ong ba ka sah ha kti ka Khasi Hills Autonomous District Council (KHADC) ba kan bishar halor ka jingpan trading license ki bar jylla ban leh kam khaïi ha Majai.
Haba kren ha kane ka sngi Balang, u Syiem u la ong ba ki don kumba 134 ngut eiei ki bar jylla, kiba la shah kyntait ban ai No Objection Certificate ne NOC namar ba kim shym la lah ban pynbiang ia ki dulir. Kham hadien kila ujor sha ka High Court, Meghalaya pyrshah ia kane ka jingshah kyntait hynrei ka High Court ka la bthah ia ka District Council ba kan bishar ia kine ki jingpan trading license jongki.
“Kim shym la pynbiang ia ki kot ki sla bad na kata ka daw, ngim ai ia ka NoC. Kila ai da ka mukotduma ia ngi sha High Court, Meghalaya bad ka Kashari ka la bthah ia ka District Council ban leh ia kaba donkam”, la ong u pa ‘yiem Freeman.
Na ka liang u pa ‘yiem u la ong ba ka shong ha ka KHADC ba kan bishar ia kane ka jingpan trading license jongki bad ka Hima kam lah ban leh eiei.
“Ka dang iaid sha District Council, ka shong ha ka District Council ban ai NoC, ym dei ka Hima”, la bynrap u syiem Sohra.
wat ai ia kine ki poiei…kine baroh ki dei ki poiei Bangladesh ..Beh syndon ioh kylla Manipur..Kynmaw ki kuki/Zo Kiba na Burma mynta ki lah pynklumar iaki trai muluk ..