13 ngut kiba khlad na ka jingpang covid 19 ha ka Jylla

Shillong: U Director ka tnad ka koit ka khiah u Dr Aman War u la iathuh ba ha duh mynta ka sngi ki briew kiba la khlad na ka jingpang Covid -19 ha ka jylla ki la poi sha ka 13 ngut kynthup ia uwei uba la khlad mynta ka sngi ha NEIGRIHMS Hospital

Une u briew u ba la khlad u dei u ba la tip kyrteng kum u Dilbahadur Biswa 72 snem ka rta bad u ba shong ba sah ha Nongmynsong. Une u briew u dei u ba don ia ka jingpang Covid-19 bad u la khlad na ka jingpang kaba ym lah ban ring mynsiem bad u don ruh ia ka jingpang Cronic Obstractive Airway Dissease(COAD).

Ia une u briew la wan rah sha NEIGRIHMS Hospital ha ka 1 tarik u Nailur 2020 ha ka por 1:03 baje eiei bad u la khlad noh ha ka 2 tarik u Nailur 2020 mynstep ha ka por kumba 8:45 baje eiei.

Haduh mynta ki briew kiba la khlad na kane ka jingpang ki la kot sha ka 13 ngut. Kine ki long u Dr John L Sailo Ryntathiang, I Semi Bagan i khyllung na Arunachal Pradesh, u Nandeshshwar Duri u BSF u ba la khlad ha NEIGRIHMS hospital, u Banteilang R Syngngai, u Kanchan Singh, u Pankaj Gujar na Upper Mawprem, u Ram Bachan Rai, u Maheshwar Dubey, u ba la khlad ha Civil hospital Tura u Rajendra Shah u ba la khlad ha Civil hospital, Shillong bad ka Sunita ka kurim jong u Shipai BSF kaba la khlad ha NEIGRIHMS hospital, Jagadish Prasad Shah u ba la khlad ha Nazareth Hospital u Sunil Kumar u ba la khlad ha NEIGRIHMS Hospital bad u Dilbahadur u ba la khlad mynta ka sngi ha NEIGRIHMS Hospital.